TIDAI LE THLARAU THIANGHLIM THAWN PIANTHAR NAK NA NEI NGAINGAI ZO MAW?(FalamChin01)

Hi mi ca-uk ih a thupibik sim a duh mi cu “tidai le thlarau”thawn voihnih hrinnak thu a si.

Himi ca-uk in tumtah mi a nei.

Cucu baible sungta vek ciahin fiangzetin an sim cia mi voihnih hrinnak le tidai le thlarau thawn ziangtin kan piangthar thei ding ti mi a si.

Tidai ti mi cu baible sungih a sim mi vekin kan sualnak hmuahhmuah laksak dingah Jesuh krih in Jordan tiva ihsin tihnimnak tihnimnak petu Johan hnen ihsin tihnimnak (Baptizam) kha a si.

Johan cu puithiam sangbik Aaron ih tefasin le mi hmuahhmuah hrangah hnațuan tu pa a si.

Aaron in Isreal miphun pawlih sual thiannak ni ah kumkhat sung an sualnak hmuahhmuah cu mecang lu parah a kut a suangih a ret a si.

Hi mi cu thil țha a ra thleng ding mi ih thlaam a si.

Jesuh krih ih tihnimnak cu kut suannak thawn a si.

Jesuh in Jordan tiva ah kut suannak thawn tihnimnak a lak a si.

Curuangah a tihnimnak thawn leilung pi sualnak cu laksak in cui sualnak ruangah thinglamtah parah a thi a si.

Asinan Christian mi tampi in ziangruangah Jesuh krih in Jordan tiva ah tihnimnak petu Johan hnen ihsin tihnimnak a lak ti mi an thei lo.

Jesuh krih ih tihnimnak cu hi mi cauk ih a sim duh bik mi le tidai le thlarau thianghlim thuthangțha ih a hram thoknak a si.

Kannih cu Jesuh krih ih tihnimnak le thinglamtah par a thihnak kha kan zumnak thawn lawngin piantharnak kan ngah thei a si.